💐💐🙏🏻🌹🌹இன்றைய சிந்தனை.( 22.12.2019.)

. ……………………………  ‘’ஈடுபாடு இல்லாமல் செய்யும் வேலை.." ................................  உங்கள் வேலையைச் சிறப்பாகச் செய்வதற்கு போதுமான ஈடுபாட்டை நீங்கள் காட்டவில்லை என்றால்  அது வெறும் வேலையாகத் தான் இருக்கும்.   ஒரு வேலையை நன்றாகச் செய்து முடித்த பிறகு கிடைக்கும் திருப்தி அலாதியானது.  வேலையை அனுபவித்து,, ஈடுபாட்டுடன், செய்யாமல், கடமையே என ஈடுபாடின்றிச் செய்தால், அந்தத் திருப்தியை என்றைக்குமே உங்களால் உணர முடியாது.   ஆகவே, உயர்ந்த அளவுகோல்களை நிர்ணயிங்கள். முடிந்த அளவுக்கு வேலையைச் சிறப்பாக, தரமாக, ஈடுபாட்டுடன் செய்யுங்கள்.   மற்றவர்கள் அப்படித் தான் செய்கிறார்கள் என்று நீங்களும் ஏனோ தானோ என்று வேலை செய்ய வேண்டாம்.   நீங்கள் செய்யும் வேலையின் தரமானது உங்கள் மதிப்பை வெளிப்படுத்துகிறது.. செயலில் இறங்கி விட்டால் கவலைப்பட நேரம் இருக்காது..   வீட்டை அழகாக வைத்து இருக்க விரும்பிய ஒருவர் நிறைய செடி கொடிகளை நட்டு வைத்தார்., உரமிட்டார் .நீர் பாய்ச்சினார்..  ஆனால் அவர் பார்த்த அளவு செடிகள் பெரிதாக வளரவில்லை. என்ன செய்வது என்று யோசித்தார்..  ஒரு நண்பரின் ஆலோசனைப்படி பக்கத்தில் இருந்த பூங்காவைப் பராமரிக்கும் வயதான ஒரு பெரியவரிடம் அந்தப் பொறுப்பை ஒப்படைத்தார்.  இரண்டே மாதங்களில் செடி செழித்து தழைத்து வளரத் தொடங்கியது வீட்டின் உரிமையாளருக்கு வியப்பு.அதே தண்ணீர். அதே உரம். அதே இடம்.  இது எப்படி சாத்தியம்?  அந்தப் பெரியவர் சொன்னார்..,  நீங்கள் அலுவலகத்திற்கு செல்லும் அவசரத்தில் நீர் பாய்ச்சுகிறீர்கள். நான், குழந்தைக்கு உணவு தரும் தாயின் மனநிலையில் இருந்து நீர் பாய்ச்சுகிறேன் என்றார்.. ..."  அப்போது தான் உரிமையாளருக்குப் புரிந்தது.எந்த வேலையையும்.. முழு ஈடுபாடு இல்லாமல் செய்தால் முழுப் பயன் தராது.. என்று...  ஆம்.,நண்பர்களே..  வேலையில் ஆர்வமும்., பொறுமையும் வேண்டும்., இது எல்லாவற்றை விட, எந்த செயலில் ஆர்வம், ‘ஈடுபாடு இல்லாமல் செய்தால் அது வெற்றி பெறாது...  (ஆக்கம்.சு. தண்டபாணி)......💐💐💐💐💐