சென்னை: நடிகர் விஷ்ணு விஷால் நடித்துள்ள எஃப்ஐஆர் படத்தின் டீசர் இன்று வெளியானது.
அறிமுக இயக்குநர் மனு ஆனந்த் இயக்கத்தில் விஷ்ணு விஷால் நடிப்பில் உருவாகி வரும் திரைப்படம் எஃப்ஐஆர். இந்தப் படத்தில் கதாநாயகனாக நடிக்கும் விஷ்ணு விஷால்தான் இந்தப் படத்தையும் தயாரிக்கிறார்.
எஃப்ஐஆர் படத்தில் மஞ்சிமா மோகன், ரைசா வில்சன், ரெப்பா மோனிகா ஜான் உள்ளிட்ட பலரும் நடிக்கின்றனர். இந்த படத்திற்காக நடிகர் விஷ்ணு விஷால் தனது உடல் எடையை குறைத்து சிக்ஸ் பேக்கெல்லாம் வைத்து மிரட்டியிருக்கிறார்.
விஷ்ணு விஷால் தனது பிறந்தநாளை முன்னிட்டு ஃபர்ஸ்ட் லுக் போஸ்டர் கடந்த ஜூலை மாதம் வெளியானது. இந்த போஸ்டரை இயக்குநர் கவுதம் மேனன் மற்றும் இசையமைப்பாளர் அனிருத் ஆகியோர் வெளியிட்டனர்.
படத்தின் 2 ஆவது போஸ்டர் ஜனவரி 11 ஆம் தேதி வெளியானது. இதனை நடிகர் விஷ்ணு விஷால் தனது டிவிட்டர் பக்கத்தில் வெளியிட்டார்.
அப்போதே டீசர் ஜனவரி 26 ஆம் தேதி வெளியாகும் என்றும் அறிவித்திருந்தார் விஷ்ணு விஷால். டீசரை நடிகர்கள் ராணா, நிவின் பாலி, கிச்சா சுதீப், நடிகை காஜல் அகர்வால் ஆகியோர் வெளியிடுவார்கள் என்றும் கூறியிருந்தார் விஷ்ணு விஷால்.
இந்நிலையில் படத்தின் டீசர் இன்று மாலை 6.5 மணிக்கு வெளியானது. நான்கு பிரபலங்களும் அவரவர் டிவிட்டர் பக்கங்களில் டீசரை வெளியிட்டனர்.
தனது டிவிட்டர் பக்கத்தில் டீசரை வெளியிட்ட நடிகர் சுதீப், என்னுடை சகோதரருக்கு என்னுடைய வாழ்த்துகள் என்று குறிப்பிட்டுள்ளார்.
No comments:
Post a Comment